Ines Medina
“Hilabetea beteko da hasi ginenetik lanean. Boluntarioak bi taldeetan banatu ginen hasieratik. Batetik, Zuena Emakumeen Topagunearen babesean dabiltzan jostunek ekin zioten. Eta bestetik, Larramendi Bazkunak 1837ko Andoaingo Guduarekin antolatutako kale antzezpena zela eta bildu izan garen jostunek. Ahal izan dugun tarteetan batu gara lanerako, Basteroko ekitaldi gelan; badira bertaratu ezin eta, etxeetara eraman dituztenak zereginak. Martxoak 8a baino lehenago bukatu beharr zegoen lana, eta ia egunero jardun dugu azken egunetan”.
Medinak azpimarratu duenez, material oso gogorreko oihalarekin aritu dira lanean. “Hatzentzat oso lan nekagarria eta zailtasunez beterikoa gertatu da. Baina hori guztia ez da deus, ikusita azkenerako zer osatu dugun. Satisfazio handia eragiten digun egitasmoa izan da”.
