Foxtrot bat da Luciano Uribesalgo abestia, eta kalejira girokoa Jexux Ibañez Andoaingo gizon prestua abestia. Joxe Ramon Berrondok osatu du azken horren letra, Andoaingo musikagintzan eta kulturgintzan aspalditxotik jokatzen ari den eragiletza aitortzeko asmoz.
Honela dio letrak:
Andoainen jaioa
ta bertan bizia
Jexux Ibañez dugu
pertsona bitxia
musikagintzan jarriz
grina ta grazia
herriko kulturgintzan
ereinez hazia.
Gora Kale Txiki da
bere oinarria
bonbardinoa joaz
ahoan irria
ekintza xumeekin
bultzatuz herria
zurekin aritzea
dugu pozgarria.
Jexux Maitia!