Andoaingo kazetariaren izena daraman sariketak kazetaritza eta komunikazio prestua, kalitatekoa eta garaian garaiko beharrizanetara egokitua saritu nahi du. Hori du xede nagusi. Andoaingo Udalak antolatuta, eta Eusko Jaurlaritzako Kultura eta Hizkuntza Politika Sailaren dirulaguntzaz, erreferente bilakatu da sektorean. Begirada, beraz, datorren azaroaren 29ko ekitaldira jarrita dago. Iluntzeko 19:00tan hasiko da sari-banaketa ekitaldia, Bastero Kulturguneko auditorioan.
Azken urteotan, bi sari nagusi banatu dira. Bata, komunikazioari dagokiona. Bestea, kazetaritzari loturikoa. Dagoeneko zortzi finalisten berri eman dute, eta Basteron saridunak jakinaraziko dituzte. Kazetaritza estiloak alderatzen hasita, podcastak nabarmendu dituzte epaimahaikideek. Honako hauexek dira: Eneko Bidegain, Itxaro Borda, Aingeru Epaltza, Miren Gabantxo, Pantxika Maitia eta Ion Muñoa. Idazkari Arantza Aguado Andoaingo Udaleko euskara teknikaria izan da. Mahaiburu, berriz, Marta Lasa zinegotzia.
