Opari itxura duen edukiontzi erraldoi bat Gipuzkoako hamaika udalerritan barrena bidaiatzen ari da. Atzokoan Andoainen izan zen. Helburua, Gipuzkoako herritarrei bere egutegia irribarre batekin jasotzera etortzera gonbidatzea da. "Gabonak elkarrekin egoteko, entzuteko eta desiorik onenak eskaintzeko egunak izaten dira. Urte berri bati hasiera emango diogu laster, energia berritu batekin ekin ere. Horregatik, egutegia banatzearekin bat, gipuzkoarrekin partekatu nahi dugu irribarre bat eta urte berrirako desiorik onenak. Hori da Gabonetako kanpaina labur honen bitartez zabaldu nahi dugun ideia, sinplea, baina zintzoa" adierazi zuen Eider Mendoza Ahaldun Nagusiak kanpainaren irekiera-ekitaldian.
Aldi berean, Gipuzkoako Argazkilari Elkarteak aurten jasotako 479 erretratuetako 20 irudi onenak erakutsiko ditu. Erakusketa abenduaren 18tik urtarrilaren 5era egongo da ikusgai elkartearen Donostiako egoitzan (San Juan kalea 27).
📸 No te pierdas estas navidades la exposición del concurso de fotos de la Diputación Foral. 👥 Podrás visitarlo del 18 de diciembre al 5 de enero en la Sociedad Fotográfica de #Gipuzkoa. pic.twitter.com/3mKY7OgTA5
— Gipuzkoa (@Gipuzkoa) December 17, 2023
