Segizioa Zumea plazatik igaro ostean Goikoplazara heldu da, eta bertan antolakuntzako kide batzuk udaletxeko balkoitik mintzaldia egin dute, euskaraz eta gaztelaniaz. Gai ugari jorratu dituzte hitzartzean: hala nola, Andoaingo Udala, alkatea, zinegotziak, klase politikoa, Basteroko eserleku deserosoak, bihar goizean goiz jaiki eta lanera joan beharra, bizitzaren garestitzea…
Ekitaldiari amaiera emateko, Cifuentes Sardina erre dute. Horretarako, segizioan parte hartu duten Ayuso eta Abascal haren kideei eman diete Sardinari sua emateko “ohorea”.
