13:00ak aldera amaitzea espero dute, esan bezala. Horretarako, Zumea plazan, opariak banatuko dira parte-hartzen duten guztien artean eta pintxoak ere banatuko dira.
Egitaraua ekimenez ekimen zehazten duen orria herriko buzoi guztietan banatzen ari dira egunotan.
Kirol egokituekin, arreta berezia
Andoni Alvarez alkateak agerraldian azaldu duenez, kirol egokituari tarte berezia emango zaio aurtengo edizioan, “futbol, eskubaloi eta saskibaloi ikuskizunez disfrutatzeko aukera izango dugu 10:30etatik aurrera Allurralde kiroldegian; Pala egokituak, berriz, bere tartea izango du 11:00etan Goikoplazan”.
Bestalde, egitarauan hiru berrikuntza nabarmendu nahi izan dituzte: “arrantza tailerra eramango da aurrera Ontza elkartearen eskutik, Zumeatarra kirol taldekoek Atletismora gerturatuko gaituzte, eta, txikienen gozagarrirako, Real Sociedad Fundazioaren eskutik, puzgarriak ere egongo dira”.
Azkenik, Alvarezek aurtengo edizioan izango den beste aldaketa gogorarazi du. Hain zuzen, aurreko urtetan jardunaldiari amaiera emateko egin izan den denboraldiko kirol lorpenen aitortza-ekitaldia atzeratzea erabaki dute. Udalak eta kirol elkarteek hala erabakita, ekitaldia aurrerago egingo dutela iragarri du Alvarezek.
Udala eta 15 kirol elkarte, elkarlanean
Edizio berri honen antolakuntzan Udala eta 15 elkarte edo talde aritu dira elkarlanean. Hona zeintzuk diren horiek:
- Ibili Andoain.
- Euskalduna Mendigoizale Taldea.
- Euskalduna Andoaindarra Futbol Elkartea.
- Leizaran Eskubaloia.
- Ganbara Saskibaloi taldea.
- Txirrindandoain.
- Soinketa +65 urteko taldea.
- Andoaingo Txirrindulari Eskola.
- Oskarbi taldea.
- Gazteleku Pelota Elkartea.
- Ontza Elkartea.
- Gipuzkoako Kirol Egokituen Federazioa.
- Zumeatarra Kirol Taldea.
- Kabutoken Kenpo-Kai kluba.
- Real Sociedad Fundazioa.