ANDOAINGO UDALAREN ADIERAZPENA
Atzo jakin genuen, GAO bidez, Mendiko Haizie enpresak aurretiazko baimen administratiboa eskatu duela Buruntza mendian hiru haize-errotako parke eolikoa egiteko.
Honen aurrean, udal gobernuak ondorengoak jakinarazi nahi ditu:
1. Andoaingo Udalak informazioa GAO bidez jaso duela; bertan jasotzen denaz gain, Udalak ez duela informazio gehiago.
2. Asmoen inguruan gehiago jakiteko, Andoaingo Udalak harremanak irekiko ditu proiektuan eragina duten erakunde eta eragileekin. Gaur gaurkoz eskura dugun informazio apurrarekin, ezinezkoa da horren inguruko iritzi sendorik eraikitzea
3. Proiektuaren edo asmoen inguruko informazioa jasotzen denean, informazio guztia herritarren esku jarriko da.
Xehetasun gehiago jakin arte, udal gobernuak ez du gaiaren gaineko iritzirik emango.
