Helduena sprint modalitateko lasterketa izango da. Hots, 5 kilometro korrika, 20 kilometro bizikleta gainean eta 2,5 kilonetro korrika. Proba arratsaldeko 16:00tan hasiko da.
Koldo Velasco zuzendariak ibilbidearen deskribapena egin zuen: "Partaideak, lehenik eta behin, 5 kilometro egin behar ditu korrika Goikoplaza eta Txitibar plaza artean. Ibilbidean Kale Nagusia eta Kaleberria zeharkatuko ditu. Lehen proba amaituta, Goikoplazan bizikleta hartu eta Olagain aldetik Otietara joango dira. Ibilbide osoa errepidean izango da. Ibilbide hori 10 kilometrokoa da, beraz, bi itzuli egin beharko dituzte. Eta, amaitzeko, 2,5 KM-ko korrika saioa egingo dute Goikoplazan hasi eta bertan bukatuz".
