Euskaraldia 2025

Ostiral honetan aurkeztuko dute Andoaingo Hamaikakoa

Aiurri 2025ko api. 1a, 18:10

Euskaraldiko ekitaldia Plaza Morean, artxiboko irudian.

Euskaraldian ohikoa da Hamaikakoa osatzea eta, asteotan, eta herriz-herriko aurkezpenak egiten ari dira. Andoaingo aurkezpena ostiral honetan izango da, arratsaldeko 18:00tan hasita, Plaza Morean.

Konpromiso pertsonalak hartzeaz gain, enbaxadore diren heinean, beren inguruko kideei ekimenaren eta beren erabakiaren berri emango diete, eta euskara ulertzen duten hamaika lagun, senide, kide edo ezagunei Euskaraldian parte hartzeko gonbitea luzatuko diete.

Aurkezpen ekitaldia, Plaza Morean

Andoaingo Hamaikakoa datorren apirilaren 4an aurkeztuko dute, Plaza Morean egingo duten ekitaldi irekian. Izenak ez dituzte eguna iritsi bitarte aurreratuko, baina profilei dagokionez, honakoa aurreratu dute: gizarte bizitzan eta euskararekiko konpromisoan euren aletxoa jartzen ari diren herritarrak dira: haietako batzuk, euren eguneroko konpromisoarekin; eta, beste batzuk, talde-lanean egindako ahaleginaren bitartez. Kultura, gizartea, kirola eta lan arloetakoak dira gehien-gehienak. Laster ezagutuko dira, beraz, Andoaingoen izen-abizenak.

Izen-ematea

Bide batez, Euskaraldian izena emateko mahaia jarriko dute kalean, Plaza Morean bertan.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!