Gipuzkoako Abesbatzen Federazioko kide diren Beasain, Zegama, Oñati, Bergara, Donostia, Hernani eta Andoaingo abesbatzek hartuko dute parte topaketan, hiru irakaslek gidatuta: Aitor Biain-Bidartek, Nora Chenak eta Katrin Iturraldek.
Euskal kantuekin osatutako programa
Pop-rock estiloko abestiek landuko dituzte abesbatzetako gazteek. Hona programa, osorik:
* Itzulera (Zetak, konp: F. Velazquez).
* Kantu bat (Bulego, konp: F. Velazquez ).
* Heldu da garaia (E.T.S, konp: F. Velazquez).
* Paris (Izaro, konp: F. Velazquez).
* Un ultimo baile bajo el aguacero (Idoia, konp: F. Velazquez).
* Euritan dantzan (Gatibu, konp: E. Txurruka.
* Neguan joan da ta (Zea Mays, konp: E. Txurruka).
Igandean, berriz, Hondarribian egindako topaketa biribiltzeko, Errenteriako Lekuona fabrikan kontzertua egingo dute guztiek ere, arratsaldeko 16:30etik aurrera.
Gazteen abesbatza, Junkal Guerrerori egindako aitortzan
Andoaingo Udal Musika Eskolako gazteen abesbatza kantari aritu zen Junkal Guerrero musikariari iazko azaroan Basteron egin zioten aitortzan. Euskal abesbatzen alde egindako lana eskertu nahi izan zioten konposatzaile andoaindarrari, eta distira handiko saioa egin zuen Andoaingo gazteen abesbatzak ekitaldi hartan. Bideoz, ikusgai, hemen.