Elisa Alonsok irabazi du II. Andreurdiñarena Irrintzi Txapelketa; Jaione Aginagalde bigarren geratu da eta Ane Amutxastegi hirugarren. Argazki-sortan, lehen irudian ageri dira hirurak, Ane Jalon manuel Larramendi Kultur Bazkuneko lehandakariarekin.
Toka txapelketan, berriz, Iñigo Moreno nagusitu da; Mely Pinedo geratu da atzetik.
Tonbolak, iaz bezala, sekulako arrakasta eduki du, txartel guztiak airean agortu baitira. Poliki-poliki joan dira ateratzen sari potoloak, urdaiazpikoak, Gabonetako jakien saskia, bizikleta…, eta bien bitartean, txaloen zartagailuak izan dira sari “izarrak” aurtengo edizioan, umeen artean bereziki, iazkoan euli hiltzaileak izan ziren bezalatsu.