Mouaffaaqekin batera Andoaindik lagun ugari hurbildu zen Tafallara, eta etengabe aritu zen animoak ematen, hiru minutuko hiru borrokaldietan.
Gogoratu behar da Tafallan bertan egin zuela debuta profesionaletan Riad Mouaffaqk, iazko otsailaren 8an. Orduko kronika, argazkiak eta bideoa, hemen.
Boxeoan ere hasitakoa
Tafallako borrokaldiaren aurretik egindako ibilbidean, nabarmentzekoa da, besteak beste, nola murgildu den boxeoan ere; probaketa egin du behinik behin.
Horrela, Orion, profesional berrientzat antolatu zen borrokaldi batean parte hartu zuen, joan den azaroan; eskarmentu handiko Oian Perezi egin zion aurre; txukun aritu arren, puntutara galdu zuen.
Euskadi Irratian, elkarrizketa
Gari Udabe esatariak goizero (05:00-06:00/06:30-07:00) Euskadi Irratian zuzentzen duen Argi Ibili irratsaioan izan zen Riad Mouaffq, iazko otsailean. Solasaldia entzuteko, hemen; Instagramen ere elkarrizketaren zati bat ikus daiteke.
Euskadi Irratian tokiko hedabideei eskaintzen zaien tartean, Aiurriri egokitu zitzaion txandan aritu zen hizketan Riad Mouaffaq Udabe esatariarekin.