Egunotan banatzen ari da Jai Batzordea 2026ko egitaraua. 3 gau eta 4 egun dira, guztira. Eta, tartean, tradizio handiko ekitaldi ugari. Batzuk, aipatzearren: txistularien emanaldi berezia, erreka jaitsira, bazkari herrikoia, Kuadrillen Eguna, bakailao txapelketa, txakoli dastaketa... egitaraua egun gutxitan pilatzearen ondorioz hitzordu ugari kateatuko dira. Hitz gutxitara ekarrita, jaiegunak honela laburbildu daitezke: ostegunean, jaien hasiera; ostiralean, krosa eta kirol jarduerak; larunbatean, Kuadrillen Eguna eta, igande arratsaldean, jana eta edana –hots, sagardoa, taloa eta pintxoak–.
Txupinazoa
Festazaleen urteko hitzordu gorenetakoa iristear da. Lebiton konpartsak hartuko du protagonismoa, eurak baitira jaiari hasiera emango diotenak. Hogeitamargarren urteurrenean murgildu dira eta ondo merezita dute Jai Batzordeak egin dien aitortza.