Hona parte-hartzaileen zerrenda:
- Ordiziako Amets Bide Dantza Taldea.
- Usansoloko Oinarin Dantza Taldea.
- Gasteizko Algara Dantza Taldea.
- Andoaingo Punttuka Bertso Eskola.
- Iruñeako Sanduzelai Erraldoi Txikien konpartsa.
- Lizarrako Gaitero Gazteak.
- Olagain Txistulari Elkartea.
- Andoaingo Udal Musika Eskolako akordeolariak.
- Urki Dantza Taldea.
Guztiak ere goizeko 10:30ean bildu dira Goikoplazan. Leire Nuñez aktore gazteak egin die ongietorria, eta Punttuka Bertso Eskolako Enzo Ormazabal, Irai Jauregi eta Adei Zubeldia gazteek bi bertso abestu ondoren, Kale Nagusian barrena abiatu dira guztiak ere. Hainbat erakustaldi egin dituzte Plaza Morean, Juanita Alkain Plazan, Kaimuturrean eta Zumea plazan.
Hamaiketakoarekin ere gozatzeko aukera eduki dute Kale Nagusian, Zumeatarra, Andoaindarra, Irunberri eta Peña Santa Krutz elkarteek prestatuta.
