Sanpedroak 2022

Iturriotz auzoa jaietan murgilduko da, Tapia eta Leturiaren parte hartzearekin

Sanpedroak ate joka dira, baina bada festa gehiago asteasuar askorentzat oso maiteak.

Hilaren 17an mus txapelketa antolatu eta gero, ekitaldi-sorta antolatu dute ekainaren 24rako eta 25erako. Mikel Zulaika Jai Batzordeko kidea da: “Aurtengoan jai egun bat gutxiago dugu. Festak antolatzeko jendeari kosta egiten zaio mugitzea. Betikoak gara, eta denbora aldetik eskas samar gabiltza”.

Ekainak 24, ostirala. 10:30ean hasiko da Meza. Jarraian, herri kirol erakustaldia: Jokin Eizmendi eta Jon Unanue “Goenatxo III” harri-jasotzaileak eta Haritz Esnal eta Iñigo Landa aizkolariak. Peñagarikano eta Soto bertsolariak eta Tapia eta Leturia eta Laja eta Lutxurdio trikitilariak. Segidan bazkaria. 22:30ak aldera hasiko da erromeria Tapia eta Leturia eta Laja eta Lutxurdiorekin.

 

Ekainak 25, larunbata. 12:00tan meza izango da, eta ondoren hamaiketakoa.

Erlazionatuak

Asteasuko jai egitaraua

Asteasu

Asteasuko Udalak eta Jai batzordeak egitarau oparoa aurkeztu dute, aurtengoan.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!