Kale Nagusia zeharkatuta, Usarrabi pilotalekura sartu dira guztiak. Han zituzten zain asteasuarrak, ongi-etorria egiteko irrikaz. Bertso bidez egin diete lehen agurra eta ondoren, dantzari gaztetxoen txanda izan da. Usarrabi abesbatzako kideek ere emanaldia eskaini diete hiru erregeei. Jaiotza biziduna ere jarri dute pilotalekuan. Emanaldiak amaituta, haurren gozamenerako tartea iritsi da. Ilaran jarrita, erregeak bertatik bertara ikusi eta azken eskariak egiteko aukera izan dute. Oparitxoa ere jaso dute. Herritar guztiak agurtutakoan, zaldi gainean jarri eta mendi aldera egin dute berriz, bidean goxokiak banatuz.
Gabonak | Aiztondo
Zaldi gainean iritsi dira udalerrira Meltxor, Gaspar eta Baltasar
Zaldi gainean, Elizmendin behera iritsi dira hiru erregeak Asteasura. Laguntzaile asko zituzten inguruan, suziekin bidea argituz eta danborra joz. Haiekin batera ziren Asteasuko txistulariak eta trikitilariak, baita Olentzero bera ere.
Erlazionatuak
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!