Hiru boto ezberdin
Sobre urdinean Europar Batasuneko botoa sartu behar da, laranja kolorekoan Batzar Nagusietako botoa eta zurian Udal hauteskundeetakoa.
Botoen zenbaketa
Bruselaren aginduz, zenbatuko diren lehen botoak Europar Batasunekoak izango dira. Eta emaitzak ez dira 23:00ak arte publiko egingo, Italiako hautes-mahaiak ordu horretan itxiko baitituzte. Antza, ez dute hango hauteskundeetan eragin nahi. Herbehereetan, esaterako, ostegunean egin zituzten Europar Batasuneko ordezkariak aukeratzeko hauteskundeak eta gaur gauera arte emaitzak ez dira ofizialak izango.
Batzar Nagusiak eta Udaletxeak
Europakoa zenbatuta, Udal hauteskundeen eta Batzar Nagusien zenbaketari ekingo diote. Bereziki udaletxeetan, hauteskundeak erabakiorrak izango dira. Emaitzak emaitza, argi dagoena da Andoainen edo Zizurkilen alkate berria aukeratuko dela, egungoek agur esan eta gero.
Aiurrik hauteskundeen jarraipen berezia egingo du, egunean zehar.