Astelehen honetan pentsiodunak batzartuko dira, herri askotan. Besteak beste, Andoaingo Goikoplazan. 12:00tan elkartuko dira, asteleheneroko protestari ekiteko.
Aste honetako bigarren hitzordua kazerolada izango da. Andoainen, esaterako, asteazken gauerako deituta dago. Gaueko 21:00tan abiatuko da Goikoplazatik, eta herrigunean barrena ibiliko dira.
Grebaren eragina
Sindikatuek aurreko astean adierazitakoaren arabera, eskualdeko ehundik gora enpresetan greba egitekoak dira. Thyssen, Plastigaur, Mendiola,... enpresa handi eta tamaina erdiko askotan greba egitekoak dira. Baita Udal langileen edota irakasleen kasuan ere. Merkataritza eta ostalaritza sektoreetan tokiren batean baino gehiagotan greba egitekoak direla ohartarazi dute.
