Andoaingo Euskaraldiak eta Aiurrik sari bereziak banatuko dituzte 'Egunean behin' lehiaketan

“Aiurri” taldeko lehiakideen artean 0KM elikagaiez osaturiko 4 saski banatuko dira. Aste bakoitzeko 2 saski. Elikagai saski bat irabazleari, eta bigarrena zozketa bidez aukeratuko den lehiakide bati.

Andoaingo baratzetan ekoiztutako produktu sorta-frexkoa izango da, eta lehiaketan parte hartzeko baldintzak hauexek dira:

  • “Aiurri” taldean izena emanda egotea.

  • Aste osoko partidak jokatzea.

Sariak hurrengo bi asteetan

  • Azaroaren 23tik 29rako partidak kontutan hartuta, bi sari banatuko dira. Lehena, onenari. Bigarrena zozketa bidez erabakiko da.

  • Azaroaren 30etik abenduaren 6rako partidak kontutan hartuta, bi sari banatuko dira. Lehena, onenari. Bigarrena zozketa bidez erabakiko da.

312 lagun Aiurri taldean

Gaurko egunez, 312 lehiakide daude “Egunean Behin Aiurri” taldean. Lehiaketa berria martxan jarrita, partaidetzak gora egitea espero da.

Hauxe da taldeko lehiaketan parte hartzeko esteka.

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!