Enpresak jakitera eman duenez, Andoain inguruko oilotegietako arrautzetan dioxina kopuru handia agertu da: 2019an 1.4 pikogramokoa zen kutsadura, eta, egun, 5.0 pikogramora igo da. Esaterako, erraustegiaren inguruko goroldioetan, 20 aldiz handitu da dioxinen kutsadura, lehen analisia egin zenetik. Kezka handia da, izan ere, aireko kutsaduraz haratago, janarian aurkitu dituzten substantzia arriskutsuen maila nabarmen igo baita.
Ur-kutsadura larria
Goroldioetan eta arrautzetan egindako ikerketez gain, ur-kutsaduraren larritasuna azpimarratu dute. Azken hilabeteetan, zeresan handia eman du Arkaitzerrekako ixuriak eta hildako ehundaka arrainek. Usurbilgo Udalak eta Erraustegiaren Aurkako Mugimenduak ur-laginak aztertu zituzten hilabeteak aztera, eta kutsadura maila altua zela adierazi zuten: Kobrearen eta Nikelaren kontzentrazioa handia zen; bi osagai horien kantitatea ur edangarriak izan dezakeena halako bi eta halako lau zen. Berriro ere azterketa egin eta ura edangarria ez dela berretsi dute: Nikelaren zenbatekoa laukoiztu egin da. Urak 0,25 miligramo kloro izan behar ditu litroko, eta analisiek adierazitakoaren arabera, 487 miligramo ditu. Amonioaren kantitatea ere oso handia da: 0,608 izan beharko luke ur edangarriak eta Arkaizerrekakoak 117 mg dauzka litroko.
Horrek guztiak, kezka handia eragin du eskualdean, Erraustegiaren inguruko herrietan. Urte gutxitan, subtantzia kutsagarrien agerpena biderkatu egin baita, ToxicoWatch enpresak egindako ikerketa ofizialaren arabera.
#Eskualdea Erraustegitik isurketak gertatzen ari dira Arkaitzerreka errekara; uraren kolore gorriska eta apar zuria agerikoa da.@haizea_ipar plataformak sarritan adierazi duenez, Andoain eta Urnieta, kutsatze maila altuko perimetroan kokatuta dago. @EguzkiEH @EguzkiAndoain https://t.co/7KVhcMoimm
— Aiurri hedabideak (@Aiurri) July 13, 2022
Informazio gehiago eskuragarri izango duzue BERRIAN
