EAEn, 1,4 milioi ibilgailu pribatu daude zirkulazioan, TOKIKOMen eta EITBren ikerketan bildutako zenbakiak oinarri hartuta: 10 ibilgailutik 7 autoak dira eta horien bataz besteko adina oso gertu dago Espainiako Estatuko batez besteko zenbakitik: 14,5 urte. Gipuzkoaren kasuan, turismoen proportzioa apalagoa da (% 68,3), motozikleten pisu erlatiboa nabarmen handiagoa delako (% 14,3).
Hori horrela, geroz eta hirigune gehiagotan ari dira emisio gutxiko eremuak zehazten, Donostian, esate baterako. Horregatik, etiketa jakin bat duten autoek soilik izango dute sarbidea mugatutako eremu horietara: nolanahi ere, gaur gaurkoz, gutxi dira, oraindik, 0 etiketa duten turismoak. Horren aurrean, C eta B etiketak dira nagusi, oraindik bereizgarririk ez duten autoen ehunekoa handia den ibilgailu-parke batean. Ondorioz, datuek aditzera ematen dute nahiko zaharkituta dagoela ibilgailu-parkea, askok eta askok ez baitaukate zigilu bereizgarririk ipinita. Bestalde C eta B etiketek duten pisuaz jabetuta, argi ikusten da, oraindik, handia dela erregai fosiletan oinarritutako flotaren pisua.
Zer dira DGTren ingurumen-bereizgarriak?
C, B eta bestelako ingurumen-bereizgarriak edo etiketak eskatzeko prozedura erraza eta azkarra da
Donostian edota Bilbon erdigunera iristeko aukerak estutzen ari dira denboran atzera matrikulatutako ibilgailuen kasuan. Dagoeneko ezinbestekoa da identifikazio-marka ibilgailuan ematea. Hori lortzeko prozedura oso erraza eta azkarra da: Correos posta-zerbitzuaren bulegora joan behar da. Ibilgailuaren matrikula leihatilan dagoen pertsonari adierazi eta Nortasun Agiri Nazionala erakutsi behar zaio. Matrikularen arabera ziurtagiri bat edo beste dagokio ibilgailuaren jabeari. Bost euro ordainduta, unean bertan jasotzen da pegatina. Ibilgailuan jarri behar da, aurrealdean, eskuinaldean eta behealdean.
Correos.es bidez ere, telematikoki, eskuratu daiteke ziurtagiria.
