Eitb eta TOKIKOM erakundeekin lankidetzan, datuetan oinarritutako kazetaritza. Oraingoan, kultur jaialdiak aztergai Aiurrin. Aurrekoan, maskotak, etxebizitza eta abar.
EAEko kultur sarea: bizia, baina asimetrikoa

Iker Rincon Moreno eka 20 Eskualdea

2024an, 20.000 ekitaldi inguru erregistratu ziren Kulturklik atarian, Eusko Jaurlaritzak bultzatutako eta lurraldeko kultur programazioa biltzen duen plataforman. Beste era batera esanda: egunean, batez beste, 55 kultur saio izan ziren EAEko udalerrietan. Hala ere, uzta emankor horren atzean errealitate konplexuago bat dago: kultura ez da berdin iristen txoko guztietara. Ekitaldi ugari izan arren, lurralde-banaketak agerian uzten ditu sarbidean, aniztasunean eta hurbiltasunean eragina duten egiturazko desberdintasunak.