19:00 Dantza emanaldia
EGAPE: Euskaraldiaren kantutik abiatuta, koreografia sortu dute Urnietako dantzari gazteek. Urnietan plazaratu ondoren, andoaindarren aurrean dantza hori eta beste bi dantza gehiago eskainiko dituzte.
KLAAP: Euskaraldia abiatzearekin batera, Aiurri.eus bidez zabaldu zen Klaap dantza eskolako kideek prestatu zuten koreografia. Bideoak arrakasta handia izan du, eta Goikoplazan zuzen-zuzenean ariko dira.
20:00 Zezen suzkoa
LEBI ZEZEN-SUZKOA: Goikoplazan ibiliko da, beti ere eguraldiak laguntzen badu. Aurretik muffinak banatuko dira karpan, eta gauean Beietz! musika taldea ariko da. Baina, emozio zale zareten handi eta txikiok, iluntzeko 20:00tarako prest egon zaitezte. Gau Beltzetik berriro irteteko prest dagoen "Lebi" zezen suzkoa zuen aurrean korrika ibiltzeko desiatzen dago eta!
