Euskaraldia 2025

Euskaraldiaren Xaxafest ospakizuna antolatzeko laguntzaileak behar ditugu

Erabiltzailearen aurpegia Euskaraldia 2025 2025ko api. 30a, 08:29

Xaxafest maiatzaren 9an izango da Goikoplazan.

Maiatzaren 9an, arratsaldean hasita, Xaxafest ospatuko da Andoaingo Goikoplazan. Jolasak, kalejira, dantza emanaldia, bokata-afaria, kontzertua… egitaraua oparoa da eta dena ondo atera dadin boluntarioak behar ditu antolaketa-taldeak.

Egun horretan txapak banatuko dira, marrazketa tailerra eta haur jolasak egingo dituzte, bokatak prestatu eta zerbitzatu behar dira… auzolanean aritzeko boluntario bila ari da antolaketa taldea.

Laguntza emateko prest zaude?

Xaxafest ospakizuna antolatzen lagundu nahi baduzu bidal ezazu e-posta Andoaingo Euskaraldira:

andoain@euskaraldia.eus

Xaxafest, egitaraua

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!