Bideojokoak da aurtengo gai nagusia Urnietako Inauterietan. Larunbatean 12:30ean lehertuko da jaia poteoarekin eta kalejirarekin. Ondoren, herri bazkaria izango da eta 16:00etatik aurrera topaketa, kalejira, desfilea eta elektrotxaranga izango dira. Igandean, Etxeberri auzo elkarteak antolatuko du jaia.
Txokolatada solidarioa, maskaren tailerra, mozorro lehiaketa eta pintxopotea egongo dira Etxeberri auzoan. Eguraldiak laguntzen ez badu ostera, ekintzak Egape ikastolan gauzatuko dira.
Trafiko mozketak Idiazabal kalean
Inauterietako jaien eraginez, Idiazabal kalean trafiko mozketak egingo dira.
