Horregatik, GALARDI haurreskolaren instalazioen hobekuntza izan da jeltzaleen lehentasunetako bat 2025eko aurrekontuetan.
2025eko partiden negoziazioan, EAJ-PNVk mahai gainean ipini zuen haurreskolako patioaren eta instalazioen egoera hobetzeko beharra. Jeltzaleen proposamenari esker, 80.000 eurotako aurrekontu-partida zehatz bat txertatu zen Galardiko patioaren egokitzapenerako eta etxola prefabrikatu berri baten instalaziorako.
Ekarpen honi esker, dagoeneko bi jarduera hauek errealitate dira:
- Patioaren zorua berritu zen abuztuan, Haurreskolaren oporraldian, lanak ikasturte hasierarako prest egon zitezen. Esku-hartzeak segurtasuna, irisgarritasuna eta erabilera erosoa bermatu
- Modulu edo etxola prefabrikatu berria azken asteetan jarri da, espazioen antolaketa eta hezkuntza-premiak hobetzeko helburuarekin.
Inbertsio bi horiek haurrek eta irakasleek eguneroko jardunean baldintza hobeak izatea ahalbidetzen dute. Izan ere, kalitatezko hezkuntza ezin da ulertu instalazio egokirik gabe. Galardiko Haurreskolaren egoera hobetzea gure konpromisoaren isla da, eta EAJ-PNVk lanean jarraituko du Andoaingo haur guztiek baldintza onenetan hezi daitezen.
Etorkizuneko erronkak: klimatizazioa eta mantentze-lanak
EAJ-PNVren jarrera beti izan da eraikitzailea, eta aurrekontuak herritarren beharrei erantzuteko tresna dira. Galardiko haurreskolaren kasuan, emaitza nabaria da: akordio politiko baten bidez, gaur egun haurrek eta irakasleek espazio hobea dute..
Haurreskolako gelak behar bezala klimatizatzea izango da hurrengo urteetako lehentasunetako bat. Udan bero handia eta neguan hotza izaten da, eta horrek zuzenean eragiten du haur eta irakasleen ongizatean. Horregatik, instalazioen klimatizazioa izango da gure hurrengo urratsa. Halaber, ezinbestekoa izango da urtez-urteko mantentze-lanak indartzea, azpiegitura publikoak egoera onean mantentzeko.
Epe luzeko ikuspegiarekin, beharrezkoa da urtero baliabideak bideratzea haurreskolaren mantentzerako eta eguneratze txikietarako.