Luze eta zabal aztertzeko modukoa da. Hona hemen, igandekoa ulertzeko hainbat xehetasun baliagarri.
Botoa emateko eskubidea dutenen % 58ak eman du bozka, oraingoan. Abstentzioa, beraz, % 41 pasatxo da
1. Sekzioa: Eskola kalea 2-8, Goikoplaza 9, Erro 2-8, Kaleberria 1-4, Kale Nagusia 1-59, Kaletxiki 5-19 / 2-30 eta La Salle 1-3.
2. Sekzioa: Aingurasutegi 3-7, Kaleberria 3-15 / 6-50, Leitzaran 2-10, Kale Nagusia atzekaldea, Zumea 1-23 / 2-36, Belabi 2-8, Txitibar 1-4 eta Zumea plaza 1-9 / 2-8.
3. Sekzioa: Aingurasutegi 12, Belabi 1-11/10, Etxeberrieta 1-5/2-6, A.Larramendi Atzek. 1-3/2-8, A.Larramendi 1-31/2-32, Algodonera 1-7/2-8, Alcacera 1/2, Txitibar plaza 3/2, Txitibar 1/12, P.Etxeberria 1/2, Ugartemendia 1-3, Zeferino Ansa 1/2 eta Martin Ugalde kalea 2/4.
4. Sekzioa: Belkoain 2A-4, Dr. Huizi 1-19B/2-28, Gernika 2-10, Kale Nagusia 4B, Ondarreta 1-9/2A-12 eta Zuberoa 2-8.
5. Sekzioa: Arrate kalea 1-9/2-10, Elizondo plaza 1-7/2-6, Nafarroa 1A-5/2-4, P.Baroja kalea 1A-5, Rikardo Arregi 2-4.
6. Sekzioa: Calonge, Ama Kandida, Bazkardo plaza 1-11/2-12, Bazkardo auzunea 1-3/2 eta Rikardo Arregi kalea z/g 7-12/6-20.
7. Sekzioa: Alkartasuna 1-3/2-6, Extremadura 11-15/8A-14, Galardi 7/10-12, Plazaola 1-47/2-14 eta La Salle 6-14.
8. Sekzioa: Leizotz, Buruntza, Lizarkola, Gudarien Etorbidea eta Manuel Lekuona plaza.
9. Sekzioa: Aiztondo, Karrika, Gurmendi, Goiburu, Sorabilla eta Errotagain.
10. Sekzioa: Bertxin 1-7/2 Extremadura 1-9/2A-4B, G. Aresti 1-17/2, Galardi 1-5/2-8, Geltoki auzoa, Joakin Larreta 1A/39, La Salle 5-9/2-4 eta Olagain 1-5/2-6.
11. Sekzioa: Agustin Leitza, Goikoplaza 1-7/2-8 R. Arregi 1-5, Arteta 1-9, Mimendi 1-3/2-26. Dr. Huizi 21-27 eta Kale Nagusia 2-4.
Adina, saihestu ezin daitekeen faktorea
Auzoka –sekzioka, udal administrazioaren hizkeran–aztertzen hasita, adina kontuan hartu beharreko faktorea dela esango genuke. Auzune berrietan, familia berriak gehien bizi diren auzoetan, parte hartzea handitu egin da. Eta, aldiz, adinean zaharragoa den eremuetan igo dena abstentzioa izan da. Azaldu dezagun hori adibideen bitartez. 2. sekzioan botoa ematen dute Zumea plazako, Belabi kaleko eta Txitibar plazako bizilagunek. Hango bi mahaien batez bestekoa %67koa izan da.
4. sekzioan, aldiz, Doktor Huitzi, Ondarreta eta Zuberoan parte-hartzea
% 53koa izan da.
Alejandro Calonge, Bazkardo eta Ama Kandida etorbideko mahai batean aurki daiteke parte hartze baxuena: % 50,38koa. 6. sekzioan kokatzen da eremu hori.
Adina eta motibazioa, uztargarriak diren bi faktore
Adinak ez du zertan botoa emateko garaian oztopoa izan behar. Motibazioan eragin dezake, hori bai. Har dezagun berriro, 6. sekzioa. Alejandro Calonge, Bazkardo eta Ama Kandida etorbideko mahai horietan boto jaitsiera eman da. Galera handiena EAJ-PNVk eta Elkarrekin Podemosek izan dute. Eta, aldiz, 2. sekzioan, parte-hartze handiena izan den eremuan, botoetan hazi den alderdi bakarra EH Bildu izan da. Azken alderdi honek piztu du motibazio handiena.
C2ak gehien kaltetuko dituen eremuak
6. sekzioan botoa eman dute Alejandro Calonge, Ama Kandida etorbidea, Bazkardo plaza eta Rikardo Arregi kaleko bizilagunek. Abstentzioa bataz bestearen gainetik igo da. Alderdien botoei erreparatuta, den-denek botoak galdu dituzte. Bakan batzuk EH Bilduk eta PSE-EEk, eta dozenaka EAJ-PNVk. Ondorioen artean, bada bat aipa daitekeena. Zigorra, eman bada, eremu horretan abstentzioaren bidez kanalizatu dela esan daiteke.
11. sekzioan botoa ematera deituta zeuden Mimendikoak, Doktor Huitzikoak, Goikoplaza aldekoak eta Agustin Leitzakoak. Abstentzioa pittin bat handiagoa izan da. Botoetan igo den alderdi bakarra PP izan da. EH Bilduk 4 boto galdu ditu, Elkarrekin Podemosek 15, PSE-EEk 62 eta EAJ-PNVk 70. Eremu horretan ere abstentzioa joera bilakatu da.
Sorabilla, C2arekin nabarmendu zen beste eremua
9. sekzioan sartzen dira Aiztondo, Karrika, Gurmendi, Goiburu, Sorabilla eta Errotagain. Eremu horretan EH Bildu izan da botoetan gorantz egin duen bakarra: 30. PSE-EEk 27 boto galdu ditu, Elkarrekin Podemosek 20, EAJ-PNVk 11 eta PPk 2.
EH Bildu, sekzioz sekzio
Alkartasuna, Extremadura, Plazaola eta La Salleko 7. sekzioan galdu ditu boto gehien: 29. Eta 15 boto gehiago galdu ditu 10. sekzioan. Hots, Bertxinen, Galardin eta Joakin Larreta aldean. 6. eta 11. sekziotan 8 eta 4 boto galdu ditu, eta gainerakoetan irabazi. Gorabeherak ohikoak dira, hauteskunde batetik bestera. EH Bilduren kasuan, ez da ahaztu behar Andoainen boto kopuruan eta boto-portzentaian irabazi duela.
PSE-EE, sekzioz sekzio
Sekzio bakar batean irabazi dituzte botoak. 8, denera. Alkartasuna, Extremadura, Galardi, Plazaola eta La Salle biltzen dituen 7. sekzioan. Gainerako guztietan botoak galdu dituzte. Hala eta guztiz ere, bozka-portzentaiari eusten dio PSE-EEk. Boto guztien %25a sozialistena da.
EAJ-PNV, sekzioz sekzio
Galera handiena jeltzaleena da. Sekzio guztietan galdu dituzte botoak. Jaitsiera orokorra da.
Elkarrekin Podemos, sekzio sekzio
Jaitsiera orokorra da, eta galera handiena Leizotz, Buruntza, Gudarien etorbidea eta Manuel Lekuona plaza biltzen dituen 8. sekzioan izan dute. Elizondo eta Nafarroa plazako 5. sekzioan ere jaitsiera nabarmena izan dute.
PP, sekzioz sekzio
Leizotz, Buruntza, Gudarien etorbidea eta Manuel Lekuona plaza biltzen dituen 8. sekzioan 25 boto irabazi dituzte. Eta Txitibar plaza eta Algodonerako emakumeen plaza inguruan 14 boto gehiago eskuratu dituzte. Gainerako eremuetan gorabeherarik ez dute izan.