Pello eta Josepa Anttoni

Erabiltzailearen aurpegia

1. (Pello) Jaungoikoak egun on
Josepa Anttoni,
eskerrak eman bear
gertakizun oni;
alkarrizketa on bat
beti da komeni,
egokiera onen zai
aspaldi nengon ni.

2. (Josepa Anttoni) Biok egokitzea
zuk artu atsegin,
nik ere tranpik gabe
nai dizut itzegin
;
ezkon gai bizi zera
da ni ere berdin,
badaukagu noski
gai hortan zer egin.

3. (Pello) Bizitza osatzen da
zuntoi eta abe,

amoriozko potak
gure esku daude;
egin zaitez maitea
nere biotz jabe
zartutzen ari gera
konturatu gabe.

4. (Josepa Anttoni) Eskolan alkarrekin
ibilliak giñan,
nola elizkizunez
da ala dotriñan;
Pello, zure maillara
iritxi eziñan,
nere bearrik gabe
moldatutzen ziñan.

5. (Pello) Bear bada ibilli naiz
zu baiño pozago
gaur ikusten zaitut
askoz ederrago;
egia arro samar
nintzela lenago,
arren barka zaidazu
damuturik nago.

6. (Josepa Anttoni) Okerrak zuzendutzen
bear degu landu,
eta begietako
makar danak kendu;
zintzotasunak emaiz
ugari eman du,
zuzendutzeko iñoiz
ez baita berandu.

7. (Pello) Beti izan nai nuke
euskaldun fededun,
badakigu debekuz
da zer libre dugun;
dotrin eder bat ere
guk ikasi gendun,
ikusiko degu zer
egin dezakegu.

8. (Josepa Anttoni) Amoriotan izan
leizke erasoak,
beti ez dira izango
egun erosoak;
gurea jakin bezate
gure gurasoak,
orrenbeste merazi
bai dute gaixoak.

9. (Pello) Ogeita amabi urte
baditut neregan,
zuk ogeita zortzi bat
gutxi gora-beran;
nik maitatuko zaitut
gizon baten eran,
ea Pazkotarako
moldatutzen geran.

10. (Josepa Anttoni) Pikardirikan gabe
maitetasunean,
sendo iraun dezagun
estuasunean;
alkar serbitutzeko
txarren da onean,
apaizan baimen ori
artzen degunean.

11. (Pello) Biok jantzi soiñeko
garbi apañetan,
besteak ere saia
or alegiñetan;
irriparra izango
degu ezpaiñetan,
gugatik gurutzean
il zanan oiñetan.

12. (Josepa Anttoni) Amaitzen diranean
elizako lanak,
jatetxe on batera
joango gera danak;
alkar maite dezagun
bildutzen geranak,

da on egin deigula
jan ta eranak.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!