Urnieta Artola Harategiak partida bikaina jokatu zuen Eibarko Mek Eskubaloia taldearen aurka (28-22). Bi puntu garrantzitsu lortuta sailkapeneko behe postuetatik, apur bat, ihes egin dute urnietarrek.
Urnieta Quel Abogados taldeak ere ezinbesteko garaipena lortu zuen Munttarperen aurka (14-20). Sailkapeneko goiko postuetan lehia bizian murgilduta dira urnietarrak.
Urnieta Guria Jatetxeak berdinketa batekin eman zion hasiera txapelketari, Andoaingo Leizaran taldearen aurkako derbian (21-21). Urnietarrek partida ondo hasi zuten arren, markagailua irauli behar izan zuten puntu bat lortzeko.