Urnieta Artola Harategiak, gizonezkoen eskubaloiko seniorrek, 25-26 galdu zuten Urola E.K. Laztimendiren aurka, joan zen larunbatean. Oraindik, ezin izan dute jaitsiera postuetatik irten.
Urnietako Quel Abogados seniorrak ere esku hutsik itzuli ziren liderrei aurkako partidatik; 19-17 galdu zuten txingudiren aurka. Porrota jaso arren urnietarrek multzoko hirugarren postuan jarraitzen dute.
Gizonezkoen Urnieta Guria Jatetxeak garaipena lortu zuen ID Trans Bidasoa Irun taldearen aurka (35-34). Urnietarrek hasieratik kontrolpean eduki zuten partida eta azken minutuetan zaildu zitzaien arren, aurrera egitea lortu zuten eta federazio trofeoan lehen garaipena lortu zuten.