Urnieta Artola Harategia taldeak garaipen garrantzitsua eskuratu du etxetik kanpo, Decotextil Euskadi Donibane taldeari irabazita (28-29). Gizonek ligako seigarren garaipena eskuratu zuten, hurrengo sailkatuarengandik bi puntura hurbilduta eta liga amaitzeko hiru jardunaldiren faltan. Gainera, jaitsiera postuetatik lau puntura urrundu dira.
Emakumezko senior taldeak galdu egin zuen etxean, Orioko taldearen aurka (23-27). Hasieratik oriotarrak nagusi izan ziren, baina urnietarrak azken unera arte lehian aritu ziren. Lehen minututik abantaila lortu zuten bisitariek, urnietarrak defentsan ez baitzeuden eroso.