2019ko udal hauteskundeak

Mikel Pagolaren agintaldiaren hirugarren aroa hasi da

Hirugarren agintaldiz jarraian, EAJ-PNVko Mikel Pagolak alkate lanetan jarraituko du. Gaurkoan egin da Udal korporazio berriaren osaketa, eta Herme Gonzalezek, Ainara de Miguelek eta Mikel Pagolak, euren adierazpenetan, herri hobe baten aldeko konpromisoa berretsi dute.

Pleno aretoa jendez gainezka zegoela, 2019-2023 agintaldiari hasiera eman diote gaurkoan. Giro onean igaro da, eta keinu asko egiteko tartea izan da. Lehenik eta behin, joan diren zinegotziei agur esateko. Eta, bide batez, datozen berriei ongietorria emateko. Txistulariek eta dantzariek girotu dute, gainera, kargua hartzeko ekitaldia. Adierazpenak egiteko tartean, Mikel Pagolak hitz bereziak eskaini dizkie bere etxekoei. Zehazki, bere amari, alabei eta emazteari. Gainerakoan, zinegotzi guztiei hartu duten konpromisoagatik esker ona adierazi die.

Ainara De Miguelek garapenaren aldeko mintzaldia prestatu du, eta berdintasunaren, hizkuntzaren eta herria bizitzearen aldeko mezu zuzenak txertatuz.

Herme Gonzalezek bere hautagaitza erretiratu du, EAJ-PNV eta PSE-EE alderdien arteko hitzarmenari men eginez. Zorrotz hitz egin du, baina eskua zabalik.

Mikel Pagolak Urnietaren erronka nagusiak azaldu ditu, eta dagoeneko bere ardurapean izango diren zinegotzien erantzukizunak aurreratu ditu.

Taldeko argazkia ateraz amaitu da kargua hartzeko ekitaldia.

 

Erlazionatuak

Udal korporazio berriaren osaketa Urnietan

Urnieta

Udal korporazio berriaren osaketa Urnietan. Argazki-bilduma.
Pagolak kargua zin egin duen unea

Urnieta

Mikel Pagola alkateak alkate kargua zin egin duen unea.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!