Bi urnietarrek Andoainen omenaldia jasoko dute. Biak, gainera, kirolariak. Profesional mailan hain zaila den arrakasta probatu dute biek ala biek, sekula ahaztuko ez duten 2019. urtean. Iturriak irailean garaipen ikusgarria lortu zuen Espainiako Vueltan, mundu mailako Pro Tour lasterketan. Garciak Errealarekin Kopa irabazi eta Munduko txapelketan jokatu du.
Andoainen eta Urnietan, bi herrietan dira maitatuak. Mikel Iturriari, esaterako, gaur omenaldia egingo diote 18:00tatik aurrera San Juan plazan. Eta bihar 12:00tan Zumea plazan.
Nahikari Garcia biharko Andoaingo omenaldiaren bigarren protagonista izango da. Eta, laster, Urnietan omenaldi berria jasoko du. Gabirondo segalariarekin batera jaien hasierako pregoia eta txupinazoa botako baitute.