Alkate Txikiek Haurren Egunean agindu dute

Carla Montero eta Nikolas Agudo haurrak Alkate Txikiak izan dira gaur Unietan, Sanmieletan. Udaletxean egin da izendapen ekitaldia goizean, udal ordezkari politikoak eta euren senideak bertan zirela. Mikel Pagola Alkateak aginte-makilaren sinbologia berbera duen zumitzezko uztai bana eman die, eta Izaro Bergara eta Gorka Vega dantzari txikiek belaun-txingoa izeneko dantza eskaini diete, Danbolin Elkarteko txistulariek lagunduta. Bi Alkate Txikiek ohorezko kargu horiei eutsi diete Haurraren Egunean zehar, protokoloak agintzen duen bezala. Ilunabarrean, 20:00etan boterea uzteko ekitaldia egin da udaletxean bertan.