Argazkian, Gorka Azkarate eta Arantzazu Miner irakasleak eta bertso saioaren antolatzaileak ageri dira, Iker Iker Ormazabal eta Beñat Mujika bertsolariekin batera; Ormazabal, bertso-irakaslea da Salesiarren ikastetxean.
Ikusgai dagoen lehenengo bertsoaldian, Mujika eta Ormazabal ikasleen paperan jarri ditu Azkaratek: mugikorra galarazita daukate klasean, baina hara non, irakaslean mugikorrarekin jolasean topatu dute.
Bigarrengo bideoan ere, ikasleak dira bertsolariak. Oraingoan, sexu heziketako ikastaroan daude; hezitzaileak, ariketa praktiko bat egiteko, bi boluntario eskatu arren, ikasleen artetik inor ez da ausartu besoa altxatzera. Ormazabal eta Mujika, ikasleak, aukeratu ditu derrigor.
Hirugarrengo saioan, azkenik, Azkarate gai jartzaileak ezkutuko pertsonaia nor den asmatzearen bertso-ariketa planteatu die bertsolariei. Horretarako, Ibai Llanos youtuber famatuaren irudia erakutsi die Beñat Mujikari eta ikasleei. Ormazabali egokitu zaio asmatzea, bertsoen bidez.
