Autobus geltokia Elkarteen Etxearen ondoko biribilgunean egongo da, eta ordutegiak ondorengoak izango dira:
-
Urriak 6: Urnieta - Xoxoka, 17:45, 20:00 eta 00:45.
-
Urriak 6: Xoxoka - Urnieta, 20:30, 01:00, 04:00 eta 06:30.
-
Urriak 7: Urnieta - Xoxoka, 16:30, 20:00 eta 00:45.
-
Urriak 7: Xoxoka - Urnieta, 20:30, 01:00, 05:30 eta 08:30.
Hainbat ekitaldi datozen egunetan
Ostiralean, Xoxokako gazteen arteko apustua izango da ikusgai arratsaldeko 18:00etan. Ondoren, bertso afaria egongo da plazan Amaia Agirre eta Sebastian Lizaso bertsolarien eskutik.
Larunbatean Xoxokako eskolan antolaturiko hamaiketakoa egingo da 11:30ean. Ordu berean, haurrentzako gaztelu puzgarriak ere jarriko dira, eta 12:30ean, berriz, pentatloi ikuskizuna. Arratsaldean, mus azkarreko txapelketa, Xoxokako Putt txapelketa, Gorriti eta bere animaliak eta toka eta karabina txapelketa egongo dira. 20:30ean Betizua dastatzeko aukera izango da, eta egunari amaiera emateko Laiotz taldeaz eta DJ Fresa Morangoz gozatzeko aukera egongo da.
Jaietako azken egunean, Egape Dantza taldearen erakustaldia izango da 12:30ean. 17:30ean, berriz, auzoko gazteen arteko herri kirol lehiaketa egingo da. Ondoren, auzoko sagardogileen sagardoa dastatzeko aukera edukiko dute bertaratutakoek, eta, azkenik, 20:30ean amaiera emango zaie festei.