Hemeretzi elkartek bat egin dute Aiurrirekin, Udal Gobernu Taldeak aurrekontu-proposamen berrian astekariari ezarri nahi dion murrizketa salatzeko. Musikaz lagunduta, bertan izan dira aterkiek babestuta.
Segidan, haietako batzuk batzarraldi aretora igo dira. Aurrikusten zen bezala, jeltzaleek eta sozialistek aurrera atera dute aurrekontu-proposamena. Bertan agertuko da Aiurriri ezarritako murrizketa, 10.000 eurokoa.
Jon Unanue Iñistorrako ordezkariak adierazpen tinkoa egin du, Aiurriren alde eta Urnietako euskalgintzaren alde. Era berean, eskertza adierazi die Aiurrirekin bat agertu diren herri eragile guztiei.
Bozketa eta gero, plenoan ziren hainbat lagunek txartel gorria atera diete EAJ-PNV eta PSE-EEko ordezkariei.