Era horretan, Arrutik, kanako enbor bat mozten duen lehenbiziko emakumea izan nahi du, eta Barrenetxeak, 15 urterekin oinbiko bat mozten duen lehenengo emakumea.
Berriki, Arrutik, Euskal Herriko aizkora txapela jantzi du hirugarren aldiz, Elgoibarren urriaren 20an, eta baita ere, Gipuzkakoa Aian azaroaren 3an. Azken txapelketa horretan, etorkizun oparoko Barrenetxea gaztea laugarren geratu zen.
Bi aizkolariek joandako Sanmiel jaietan egin zituzten lanak, ikusgai, argazki-sortaren eta bideoaren eskutik, hemen.
Aizkolariak eta harrijasotzaileak
Bestalde, kirol saioan honako aizkolari eta harrijasotzaile ezagunek hartuko dute parte. Aizkoran, lehian, Iker Vicente eta Eneko Saralegi (lehengusuak) alde batetik eta Jokin Urretabizkaia Basozabal eta Ibai Soroa bestetik izango dira. Eta harrijasotzen, Euskal Herriko Harri Txikien txapelduna den Mikel Lopetegi Urra eta Maddi Guesalaga gaztea. Doakoa izango da sarrera.
