Euskaraldia 2025

Badu hamaikakoa Urnietako Euskaraldiak

Aiurri 2025ko api. 3a, 10:28

Prest da Urnietan aurtengo Euskaraldiaren hamaikakoa. Atzo arratsaldean, hitzordua egin zuten Berrasoeta partean, ariketa erraldoia antolatzen ari den eragile-taldeak deituta. Herrian euskalgintzari modu batera edo bestera lotuta dauden herritarrek osatzen dute hamaikakoa. Egunerokoan, nork bere esparrutik eragiten dio hizkuntzaren aldeko bultzadari.

Euskaraldiak iraun bitartean, alegia, maiatzaren 15etik 25era, ariketak proposatzen duen erronkari erantzungo diote guztiek, ahobizi edo belarriprest txapa soinean jantzita dutela. 

Ezagutu hamaikakoa

  • Nekane Kortaxarena Goenaga, irakaslea.
  • Antton Jauregi Aranburu, txistularia eta irakaslea.
  • Jon Unanue Lopez, kultur-eragilea.
  • Unai Gaztelumendi Arandia, marrazkilaria eta bertsolaria.
  • Unai Legarreta Astiasaran, irakaslea.
  • Amagoia Mujika Tolaretxipi, kazetaria eta Berriako zuzendaria.
  • Naroa Urbizu Kortaxarena, Poxta Zahar elkarteko kidea.
  • Imanol Ansa Urruzola, erremontista.
  • Xabier Altuna Jauregi, sagardogilea.
  • Guangli Wen Chen, epaitegietako itzultzailea, eta txinera zein ingeleseko irakaslea.
  • Enara Donavera Garcia, musikaria.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!