Bisitaldia egingo diete herriko Eguneko Zentroko erabiltzaileei urriaren 28an: Gau Beltzaren nondik norakoen berri emateaz gain, ikastetxeak egunari begirako egitaraua nola antolatzen duen gertutik ezagutzeko aukera izango dute bertako herritarrek. Horrez gain, hitzordu magikoa ardatz hartuta, Donostiako Ospitalera ere egingo du jauzi Urnietako Gau Beltzak: hilaren 30ean, bezperan, hain zuzen ere, ekintza txiki bat egingo dute, pediatriako, larrialdietako eta onkologiako haurrentzat.
GAU BELTZA URNIETA
Gau Beltzari lotutako ekimenak
Urteko gaurik beldurgarrienari loturiko ekintza-sorta zabala ari dira egiten Magale-Salestarrak ikastetxean, azken asteetan. Gau Beltzari abiapuntu ikasgelatik irten eta bi irteera egingo dituzte aste honetan; lehena, herriko Eguneko Zentrora eta, bigarrena, Donostiako Ospitalera.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!