Gabonetako argien pizte-ekitaldia egin du Magale-Salestarrak ikastetxeak

Hiru, bi, bat... Atzera kontaketa eginda, piztu ditu, jada, Magale-Salestarrak ikastetxeak Gabonetako argiak, Etxeberri plazan. Arratsaldeko 18:15ean egin dute ekitaldia eta ez da aspertzeko aukerarik izan: trikitilari eta pandero-joleak, Gabon kantak, txirula-emanaldia, txokolatada... Olentzero eta Mari Domingi ere hurbildu dira hitzordura, urteko gaurik magikorako geroz eta gutxiago falta den honetan.