Urnietan, aurreko astean, eraso matxista gertatu zela salatu zuen atzokoan Itaiak. Eta erreakzioa berehalakoa izan da. Hainbat erakundek bat egin dute salaketarekin eta, gaurkoan, dozenaka herrikide atera dira kalera gertaera salatzera.
Biktimari elkartasuna adierazteko ekitaldia izan da. Azpimarratzekoa da bildu den jendetza, Urnietan ohikoa dena baino askoz handiagoa izan baita partaidetza. Tartean, Itaiaz gain, mugimendu feministako eta alderdi politikoetako ordezkaritza zabala.
