2019ko udal hauteskundeak

Hiru alkate ohiren idatzia

Hiru alkate ohiren idatzia

Iñaxi Otegi, Mikel Arrastoa eta Manuel Erasun Zizurkilgo alkate-ohiek idatzia igorri dute:

                                 Zizurkilen alde eten ez den katea

 

Idatzi hau sinatzen dugun lagunak epe ezberdinetan Zizurkilgo alkate izan gara Herri Batasuna eta Euskal Herritarrok alderdietatik. 40 urte atzera eginda, frankismo gordinaren osteko lehen Udala kudeatzea ez zen erraza izan, eta ondoren ere garai gogor eta zailak izan dira. Baina hau ez da inoiz gure ofizioa izan, bakoitzari egokitu zitzaigun garaian, gogoz eta pasioz jardun genuen bizi garen herri hobe baten alde. Eta garaia iritsitakoan, besteei bide ematen ere jakin genuen. Horrek ezberdintzen gaituelakoan gaude.

Azken urteetan haize berriak dira euskal politikagintzan. Oinarria ordea, berbera ikusten dugu Zizurkilera begira: Orain ere, lehen bezala, herri hobe baten nahiak elkartzen ditu ezkerreko abertzaleak zerrenda batean, Zizurkil hobea, bidezkoagoa, euskaldunagoa eta berdinzaleagoa egiteko nahiak.

Hori dela eta, idatzi honen bidez babes osoa azaldu nahi diogu Iker Urruzola buru duen EH Bilduren hautagaitzari eta horren erakusle onartu dugu hirurok ordezko gisa EH Bilduren zerrendan joatea.

Bide berean, maiatzaren 24an Joxe Arregi plazan izango gara, lehen Udal taldeko kideei egingo zaien omenaldian, eta bide batez, udalgintzan aritu diren beste hamaika kideri egingo zaienean. Zizurkilen aldeko katea ez delako eten.

Maiatzaren 26an, EH Bildu da gure aukera.

 

Iñaxi Otegi

Mikel Arrastoa

Manuel Erasun

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!