Zizurkilgo I. Duatloia. Apirilak 3, igandea
Gipuzkoako Duatloi txapelketa jokoan izango da. Zumarpe saria izenekoa, sprint distantziako proba da, federatu mailakoentzat. Lasterkariak korrika hasiko dira, 5 kilometroko distantzia osatuz. Ondoren 20 kilometroko bizikleta proba egingo dute, eta azken txanpan beste 2,5 kilometro gehiago egin beharko dituzte korrika. Joxe Arregi plazan txirrindulari-korrikalariak gertutik ikusteko aukera izango da, bertan ipiniko baitituzte boxak. Box horietan partaideek bizikleta hartu eta utzi beharko dute, probarekin jarraitu ahal izateko.
