Ostiral Mehearekin, kalera atera dira Zizurkilgo hiru ikastetxeak, Otaño, Zubimusu eta San Millan, Kaldereroei lekukoa hartu eta Inauteriei ongi etorria emateko asmoz. Hala, Loatzo musika eskolako txaranagaren erritmopean, eguerdiko 15:30ean bildu dira hiru ikastetxeak, herrian barrena, Joxe Arregi plazara bidean desfilatu eta, bertan, dantza emanaldi ederrak jendaurrean erakusteko.
Gai librea izan dute aurten. Hala, Pedro Maria Otañokoek Olinpiadak izan dituzte hizpide, San Millaneko ikasle, irakasle eta gurasoak aldiz, poliziaren eta lapurraren azalean jarri dira eta mimoen pareko dantzatu dute Zubimusu ikastolakoek.
Jendez bete da plaza eta kolore eta musika giro alaiean eman diote hasiera mozorroz betetako asteburuari.
