Mendigurenek eta Otamendik “Oso latza izan da” aurkeztuko dute

Xabier Mendiguren egileak berak eta Martxelo Otamendik aurkeztuko dute liburua Plazida Otaño liburutegian, bihar, ostegunarekin, 19:00etatik aurrera. Arregi 1981eko otsailean atxilotu zutenetik Zizurkilgo hilerrian bere gorpu zeharo kolpatuari argazkiak atera zizkioten arteko kronika literarioa idatzi du Mendigurenek. Donostian irailaren 7an aurkeztu zenetik, euskarazko liburu salduenen zerrendan kokatu da “Oso latza izan da”.