Bertso saioa egin zuten Zizurkilen, San Millan elizan atzo eguerdian, zentral eolikoen egitasmoen aurka hainbatek osatu duten Gipuzkoako Mendiak Aske mugimenduak antolatuta. Aitor Bizkarra, Andoni Egaña, Maialen Lujanbio eta Oihana Iguaran aritu ziren bertsotan, Saroi Jauregi gai-jartzailearen esanetara jarrita. “Energia(k) ezbaian” eta gogoeta eta umorea ederki asko uztartzen jakin zuen laukoteak. Haize-erroten gaia ez ezik, energiarekin lotutako beste hainbat jorratu zituzten (autosufizientzia energetikoa, zentral nuklearrak, auto elektrikoak, inteligentzia artifiziala...). Bertsoaldi ugariren bideoak, ikusgai:
Bertso saioa amaitu ostean, bazkari batek eman zion segida egun osoko egitarauari.
Antolatzaileek bertso saioaren aurkezpenean ekitaldiaren zergatia azaldu zuten: "debate falta handia sumatzen dugu gizartean energiaren inguruko gaia potoloetan, aldekotasunen edo kontrakotasunen gainetik. Irudipen horretatik sortu da bertso saioa hauxe. Gipuzkoako Mendiak Aske taldeak bere oharrean zabaldu duen bezala, energiaren pasaia zabala erakusten duen lehioa zabaltzea da bertso saioaren asmoa".
