Ostirala, urtarrilak 3

19:30

Izaro zuzenean

Izaro kantari ezagunak gabon kantekin disko berezia osatu du. Data seinalatuak maite dituela-eta, ekimen berria aurkeztu zuen udazkenean. Kursaalen egin zuen estreinaldia eta gaurkoan Bastero Kulturgunean ariko da. Sarrera solte gutxi batzuk besterik ez dira geratzen gaurko saiorako.

11:00

Gabonetako Haur Parkea, egunotako hitzordua

Puzgarriak eta jolasak aurkituko ditu, egunotan, Allurraldera hurbiltzen den haur edo gaztetxoak. Urtarrilaren 2an, arratsaldez, aniztasun funtzionala duten haurrei zuzenduta. Eta hilaren 3an eta 4an, ikuslego zabalarentzat.  

19:00

Entseguak

Errege Magoen Kabalgata tradizio handikoa da Amasa-Villabonan eta ekitaldia ahalik eta ondoen antolatzeko entsegu bana deitu dituzte gaurko eta biharko. Iluntzeko 19:00tan jarrita dago hitzordua Satorrako baxuetan.

19:30

Emilia Perez filma

Udazkenean, zinema emanaldiez arduratzen den enpresak ordutegia moldatu zuen. Finean, gaueko emanaldiak kendu eta astelehenero 17:00tan emankizun berria eskaintzen hasi ziren. Proposamen berriak onarpena izan duela eta, 2025ean bide beretik jarraituko dute.