Pasa den astelehen arratsaldean Ertzaintzak 41 urteko gizona atxilotu zuen Villabonan, ustez, pertsona horrek Amasako Etxezarreta izeneko baserrian emakume bat bere borondatearen kontra atxikitzeagatik.
Hori dela eta, Amasa-Villabonako Udalak Erakunde Adierazpenean adierazi duenez, "gaurko txalo zaparrada indarkeria eta jazarpena sufritu duten edo sufritzen ari diren emakume guztiei elkartasun eta babes mezua helarazteko izango da".
Lurgatz talde feministak, berriz, zarata ateratzeko deia egin du kazerolada proposatuz.
