Goizean goiz ekin diote egunari Amasako gazteek. 06:00etan elkartu dira gosaltzeko eta indarrak bilduta, etxez etxe abiatu dira. Trikiti doinuek lagunduta, Amasako etxe eta baserri guztiak bisitatuko dituzte eguerdira bitarte, eta ondoren, elkarrekin bazkalduko dute. Arratsaldean, soka-dantza egingo dute plazan.
Goizeko hamarrak aldera, Iturrigoxo tabernan elkartu dira, hamaiketakoa egiteko. Umore onean ekin diote berriz ere bideari, trikitilarien doinuek lagunduta. Etxe atari bakoitzean dantza eginez eskertzen dituzte bertan eskaintzen zaizkien jatekoak.
Goizean euria izan badute ere, eguraldi politarekin dabiltza orain, umore ederrean.
aza 12, 11:39 Amasa-Villabona